Thawhtanni khan US leh South Korea te chuan indo nunchan zir an tan a, hetah hian indo thlawhna 130 ve ve thawh chhuakin darkar 24 chhung indo tak tak ang thei berin an che dawn a ni. South Korea Air Force thuneitute sawi danin kum tina an tih thin Vigilant Defense hian Zirtawpni thleng a awh ang a, United States leh South Korea te hian Fighter Jets dangte bakah F-35 stealth fighter chu an rawn thawhchhuahpui ve ve dawn a ni. He indo nunchan zirna hian ram pahnihte inkarah intanpui tawn theihna kawnga hmasawn dan tur an zir ber dawn a, air-to-surface kah dan te, boruaka inveng paha hmelma kah let dan leh rikrum thila chet lak dan te hi an thil zir tur langsar zual te an ni.
“He training-naah hian hmelma te a rang thei ang bera beih let dan tur leh hmelma hrem dan tur te a tak ang thei berin kan ti dawn a ni,” tiin South Korea sipai lam chuan an sawi. He nunchan zirna hi North Korea-in Russia chu sipai lamah a thawhpui nasat chhoh lai tak a ni a, US leh Asia rama a thurualpuite chuan Moscow-in ralthuam hmanga Pyongyang a tanpui rulh let nana Pyongyang-in sipai hmanga Moscow a tanpui duhloh lantir nan indo nunchan hi an zir dun ve ta a ni. North Korea chuan he indo nunchan zir hi a duh lo hle a, United States leh South Korea te hian min run dan tur an enchhinna a ni tiin Washington leh Seoul ten min huat ia lantirna dik tak a ni a ti bawk.
US leh South Korea ten indo nunchan zir
