US Open women’s singles semi-final an khel zo a, zanin Flushing Meadows final-a intum tur a chiang ta a, tualchhung nula Jessica Pegula leh second seed Aryna Sabalenka an inhmachhawn dawn.
Pegula hian Ningani zan khan a career-a a major final hmasaber lut turin Czech Karolina Muchova lakah 1-6, 6-4, 6-2 hnehna a sualchhuak.
Inrinni championship match-a American Pegula hmachhawn thei turin Belarusian Sabalenka chuan Billie Jean King National Tennis Center, New York-a US Open women’s singles semi-final inkhel dangah 6-3, 7-6(2)-in American player dang Emma Navarro a hneh a, kum zawna US Open final a luh rualin New York Grand Slam tournament final-a tualchhung nula ve ve inhmachhawn beiseina a tawp fel.
Arthur Ashe Stadium-ah nikum runner-up Sabalenka hian harsatna lian tawk loin set khatna a la mai a, mahse, a chipuite puihnaa tankhawh 13th seeded Navarro a rawn erlet tluantling teuh hle a ni.
US Open final-a intum tur Sabalenka vs Pegula
