Concacaf Nations League title pahnih baka 2021 Concacaf Gold Cup lakpuitu US head coach Gregg Berhalter chuan Copa America khelh zawh takah khan mualneitu ni chungin a team chu group-stage a pelhpui zo lo a, US soccer thuneitute chuan a hna a\angin an chawlhtir.
Panama leh Uruguay hneh loa an tlawm hnu khan USA chu Copa America thlengtu ram zinga group-stage paltlang zo lo hmasaber niin, United States Soccer Federation sporting director Matt Crocker chuan a hna a\anga an chawlhtir thu puang chungin kum nga chhunga men’s national team leh US soccer team tana a inpeknaah lawmthu a hrilh a, organisation chhunga mi zawng zawng zahkai a nih thu a tarlang tel bawk.
Liverpool manager hlui Jurgen Klopp chu he hnaruak luah tura rinkai langsar zingah telin, Crocker chuan head coach zawn hna an \an tawh thu a sawi.
USA hi Canada leh Mexico-te nena 2026 World Cup inthlen\awm tur an nih avangin coach thar thlan kawngah pawh an theih chinah an duhtui viau tura ngaih a ni a, Fifa tournament lian ber thleng mai tur an nih avangin coach hming hraw chinte tan pawh zawm chakawm loh zawk zawk an ni bik lo mai thei!
USA-in head coach Berhalter an ban
