Uniform Civil Code (UCC) bill – inneih, in\hen, ram, property leh ro inhlan chhawn zawng zawng thila khua leh tui te sakhaw bik thlei nei lova dan in ang khat hmanna tur chu Uttarakhand Assembly-ah February 6 khan pharh a ni ta.
Chief Minister Pushkar Singh Dhami chuan House ah Bill pharhin Assembly a luh pawhin Constitution original copy a keng tel ngat bawk a.
Treasury bench lam chuan Bill pharh chu dawhkan chum chungin “Jai Shri Ram” leh ‘Vande Mataram’ tia au chungin an lo lawm a ni.
Bill hi pawm a nih hma in sawihona neih zui a ni phawt ang a. Dan a nih hunah chuan Uttarakhand chu Indpendence hnua India State UCC hmang hmasa ber a ni dawn a ni. Goa ah erawh chuan UCC hi Portuguese hunlai a\ang tawha kalpui tawh a ni thung.
A hma in House chhungah Opposition te chuan lungawilohna lantir thungin Bill provision te chu zirchianna hun an pe lo tiin an sawi ve thung a.
“Sorkar hian Bill hi Legislative tradition kalhin sawihona pawh nei mumal lova pass a duh a ni” tiin Leader of Opposition Yashpal Arya chuan a sawi a.
Speaker Ritu Khanduri chuan Bill chu Opposition tena an duh ang tawka an zirchian theihna hun pek an nih tur thu a sawi thung a. Tun Assembly hi UCC Bill pawm a nih theih nan liau liau a special a koh a ni.
UCC legislation tihhlawhtlina nih chuan BJP tena kum 2022 Assembly poll dawna mipui te hnena an thutiam lian tak an tihlawhtling dawn tihna a ni a. An thutiam te avangin saffron party chuan a zawnin term hnih an chelh theih phah a ni.
BJP rorelna State dang Gujarat leh Assam te pawhin Uttarakhand UCC chu model a hmana kalpui ve an tum thu an sawi bawk.
Uttarakhand Assembly-ah UCC pharh fel ta
