Mizo Academy of Letters (MAL) chuan Ningani khan Aizawlah hla phuah thiam V Thangzama kutchhuak zirchianna a buatsaih a, mithiam 14 te thuziak zir ho a ni.
Seminar hmanpuitu MLA Dr L Thangmawia chuan V Thangzama hlate chu zirchian tlak tak, a hlate hi kawng hrang hranga thlir pawha Mizo hnam tana hlu tak vek a ni tih sawiin, “A hla zirchian hian Pu V Thangzama chu ram leh hnam hmangaihtu (nationalist) ropui tak a ni tih a hriat theih a, a hlate hian Zofate a phuarkhawm a, thangthar zelte tan pawh a hla hi zir zel tlak a ni,” a ti.
Seminar hi MAL president Prof. RL Thanmawia’n a kaihruai a, Lalrammawia Ngente chuan thupui a sawihawng a. Hun thumah thenin mithiam 14 paper buatsaih zirho a ni.
V Thangzama kutchhuak zir
