Champhai district Agriculture department leh Field Management Committee Vaphai bultumin Ningani khan Vaphai bul, Saikhumphai Hmawngpui Zauah vaimim seng runpui neih a ni.
Vaimim seng runpui hmanpuitu Agriculture director James Lalsiamliana chuan vaimim chu mihring ngeih a nih bakah ran tana chaw tha a nih avangin thlai tangkai a ni tih a sawi a. Mizorama buh chin theih lohna hmunah vaimim chin chu uar deuh deuh a tul tih a sawi. Vaimim chingtuten ran laka an vaimim venghimtu tura hungna tur an dil chu tihhlawhtlin sak an tum thu a sawi a ni.
Champhai district agriculture officer R Lalramhluni sawi danin, kumtharah hian vaimim leh bekang chin pawlh turin department-in hma a la dawn a. Loneitute hi department mithiamten thlai chin dan leh a enkawl dan an hrilh dawn a ni.
Hmawngpui Zau hi hectare 63-a zau niin, kum 2020 atang khan Primary Agriculture Credit Cooperative Society (PACS) bultanin mumal taka vaimim chin tan a ni. Helai ram hi tui a that loh avangin buh a chin hleihtheih loh a, Agriculture department chuan loneitute hi vaimim chi pein bul an tanpui a. Kumin hian ram hectare 59.20-a zauah chhungkaw 60-in vaimim chi kg. 746 chingin quintal 1347 an thar chhuah beisei a ni.
Vaimim seng runpui nei
