Vaivakawn-7thDay Tlang kawng
siam laia lirthei tlan dan tur siam
Vaivakawn Seventh Day Tlang panna, Kanan leh Chawnpui Veng nena an inrina kawng pengthuam chu UD&PA department ruahmanna in siamthat a ni dawn a, hna hi November 28 zing dar 9.00 atanga tanin December 10 thleng awh tura ngaih a ni. Hemi hun chhunga helaia lirthei tlan dan tur hi Senior SP Traffic chuan ruahmanna siamin zawm turin mipui a hriattir.
Vaivakawn/ Kanan/ Chawnpui trijunction improvement hna thawh a nih dawn avang hian Vaivakawn atanga Seventh Day Tlang panna kawng leh Upper Kanan atanga Chawnpui panna kawng chu khar a ni dawn tih mipui a hriattir a. Trijunction improvement hna thawh a nih chhung hian Zotlang atanga Seventh Day Tlang/ Helen Lowry School panin lirthei engmah tlan chhoh phal a ni loa; chhuk zawng chauha tlan theih a ni.
Vaivakawn atanga Zotlang panna kawngah chho zawnga lirthei kal phal a ni loa; chhuk zawng chauha tlan theih a ni. Vaivakawn atanga Kanan Veng, Chawnpui, Seventh Day Tlang leh Zotlang lama kal turte chu Middle Kanan/ Vaivakawn Police Station lam kawngah emaw Chhangurkawn lamah emaw a kal theih.
Middle Kanan Road, Vaivakawn – Kanan – Chawnpui – Zotlang – Chhangurkawn kawngah hian lirthei veivak tibuai thei turin lirthei leh bungrua engmah dah phal a ni lo tih a sawi a. Zotlang lama kal turte chu Chhangurkawn lama kal tura tih an ni.
He thupek hian chhiatrupna thil, kangmei leh emergency kaihhnawiha duty, dan leh thupek pawimawh bika police leh magistrate duty-te chetvelna a huam lo. Thupek zawm lo chu Section 179 MV (Amendment) Act 2019 hmanga hrem theih an ni tih a sawi.
Vaivakawn-7thDay Tlang kawng siam laia lirthei tlan dan tur siam
