PWD chuan Vaivakawn – MZU Road siamthat hna (temporary restoration) chu vawiin, September 7 atanga an thawh dawn avangin helai kawng hi nitin chawhma dar 10.00 atanga tlai dar 4.00 inkar khar (block) ani dawn a, lirthei engchi mah a tlantlang theih dawn loh tih Traffic SP chuan mipui a hriattir. Hnathawh tibuai thei turin hnathawhna bulhnaiah lirthei leh bungrua dah phal a ni lo tih a sawi bawk.
Kawng thawmthat a nih dawn avang hian lirthei tlan dan tur ruahman dan pawh Traffic SP hian tichhuakin, two wheeler chu Vaivakawn Seventh Day Tlang lamah chho in DM&R office bul atanga Chawnpui kawnah chhuk thla in, Vankhama Vengah kawngpui a zuk pawh anga, Zotlang atangin Chhhangurkawn a pawh thla ang. Seventh Day Tlang atangin Zotlang pawhin a chhuk theih bakah Chhangurkawn atangin Zotlang lamah chho in Vaivakawnah an kal thei dawn a ni.
He thupek hian kawng siamthat hna thawh zawh a nih hma a huam dawn a. Thupek zawm lo chu danin thuneihna a pek hmanga hrem theih an ni tih a sawi.
Vaivakawn to MZU Rd thawmtha thuak dawn
