African grey parrot, a hminga Apollo an tih chu vaki thluak tha fahran mai a ni reuh a, he vaki hian minute 3 chhungin thil chi hrang hrang 12 a thliar hrang hman a, sava zinga minute 3 chhunga thil thliar hrang hnem thei ber record a siam niin Guinness World Records-in an puang. Record siam nana thil an thliar hran tir zingah hian rannung, lehkhabu leh mawza te pawh a tel.
Florida-a cheng Dalton leh Victoria Mason te vaki khawi Apollo hian ama pualin TikTok account te paw a nei a, follower maktaduai 2.8 chuang a nei tawh a, a YouTube account-ah pawh subscriber maktaduai 1.3 chuang a nei tawh bawk.
Apollo hi 2020 khan sava zawrhna dawr atangin an lei a, chuta tang chuan thiam thil chi hrang hrang an zirtir ta a, Dalton chuan, “Ka nitin khawsakna a thil chi hrang hrang hi a tahtawlin kan zirtir a, a ngaihven zawng ni a kan hriat kan zirtir hmasa zel a, chu chu a thiam chakna chhan a ni pakhatin kan hria,” a ti.
Vaki fingin record siam
