Vantawng CLF-in ram pum award dawng
Sawrkar laipui Ministry of Rural Development-in India ram puma federation tha thlanna a buatsaih Atmanirbhar Sangathan Award 2024 chu Mizoram State Rural Livelihoods Mission (MzSRLM), Rural Development & Administration department hnuaia Vantawng Cluster Level Federation (CLF) Thenzawl, Serchhip district ami chuan a dawng.
He award dawng tur hian India rama CLF 33736 endik niin, phase 4-a then an ni a. Vantawng CLF hian North East Region atangin pakhatna hi an dawng a ni. Award hi CLF-ten an hnuaia selh help group (SHG) member thingtlanga chengte tana hna an thawh that avanga pek an ni a. Endikna atan hian CLF-ten community funds an hman tangkai dan, SHG member-te eizawnna atana hma an lak dan, an pawl inrelbawlna felfai dan, line department-te nena convergence an neih dan, Covid len laia chhawmdawlna hna (relief work) an kalpui dan leh a dangte hman a ni.
He award hian sumfai nuai 3 a keng a. Award hi New Delhi-ah Independence Day hman pahin Union RD minister-in CLF hruaitute kutah a hlan dawn a ni.
Hetihlai hian 2024 November 22 khan MzSRLM hnuaia Tuikum Cluster Level Federation, Chhingchhip Serchhip district chuan ‘Best SHG Federation Award Ceremony 2024’ chu Hyderabad ah an lo dawng tawh a ni.
Vantawng CLF-in ram pum award dawng
