ATP tour-a match 200 chak tling zingah Spaniard Carlos Alcaraz a tel chho ve ta a, Pathianni China Open-a 6-1, 6-2-a Tallon Griekspoor of the Netherlands a hneh kha a career-a tour hnehna tum 200 a chan tlinna chiah a ni.
Kum 21 mi lek Alcaraz bakah kum 2000 bawr chhoa piang Jannik Sinner leh Felix Auger-Aliassime pawhin heti zat hnehna hi an lo sualchhuak ve tawh bawk.
China Open quarter-final pakhatah second-seeded Alcaraz hian Russian Karen Khachanov hmachhawn lehin, result erawh hriat hman a ni lo.
Seventh-seeded Khachanov hian inkhel dangah 7-6 (4), 7-6 (9)-a Francisco Cerundolo of Argentina hnehin Spaniard a hmaah a ding thei.
Chinese wild card Bu Yunchaokete pawhin sixth-seeded Lorenzo Musetti of Italy chu 6-2, 6-4-in a barakhaih ve bawk.
Top seed Sinner of Italy leh third-seeded Daniil Medvedev of Russia pawh Beijing quarter-final pakhatah an intum a, result tarlan hman a ni lo.
Japan Open lamah sixth-seeded Holger Rune of Denmark chuan tualchhung beiseina Kei Nishikori laka 3-6, 6-2, 7-5 hnehna changin semi-final a lut.
Rune hi tum hnih ngawt Tokyo champion a lo ni ve tawh a, kumin hian title a hawn leh dawn em hriat hman a ni rih lo.
Semi-final lut zingah Czech Tomas Machac bakah France player pahnih Arthur Fils leh Ugo Humbert an tel bawk.
Fils hian American eighth-seeded Ben Shelton lakah rin loh takin 7-5, 6-7 (5), 7-6 (2) hnehna a chang a; Machac hian 7-6 (2), 6-3-in American Alex Michelsen a hneh a; Humbert chuan Great Britain player Jack Draper a hmachhawn a, a chak dan hi hliam avanga Briton inhnuhdawh vang a ni.
Vawi 200 chak tling Alcaraz
