Vawiinah VC thlang ve dawn
VC candidate thih avanga hmun dang inthlan ruala inthlang ve thei lo, Lunglei district-a Lanutui khuaah vawiin – February 13 hian an inthlan ve dawn a, Nilaini khan inthlan buaipuitu tur polling party chuan he khua hi an pan.
Lalnutui khuaah hian February thla tir khan an candidate zinga pakhat a thi a. Hei vang hian candidate dang indah leh chhung nen, February 12-a inthlanpui neih hunah pawh inthlang ve lo turin State Election Commission chuan a ti a. February 13-a inthlang tur hian a ruahman a ni.
Seat 3 (general seat 2 leh reserved seat 1) awmin, inthlan chuhtu candidate 10 (general seat-ah 8 leh reserved seat-ah 2) an awm a. INC candidate 2, MNF candidate 2, ZPM candidate 3 leh independent candidate 3 an awm. Lalnutuiah hian vote nei 192 (mipa 94 leh hmeichhia 98) an awm a ni.
Candidate thi an awm vang thoin Aizawl Municipal huamchhunga Lawipui Local Council inthlan pawh naktuk, February 14-a neih turin SEC chuan a ruahman bawk.
Vawiinah VC thlang ve dawn
