African Swine Fever (ASF) vangin Mizoram hmun hrang hrangah vawk a thi a, kuminah vawk 2200 chuang a thi leh tawh.
AH&Vety department chhinchhiah danin, June ni 3 thleng khan ASF vang hian Mizoramah vawk 2281 a thi tawh a, vawk 683 tihhlum a ni tawh.
ASF hi Mizoramah a awm nghet tawh a, he hri hi rawn inlar fo tura ngaih a ni. Kumin hian finfiah hmasak ber chu January ni 16-a mi a ni a, Aizawla mi a ni.
Kum tir teah he hri hi hmuh nghal ni mah se a darh zui nghal lo a, mahse khaw hrang hrangah finfiah a ni leh tawh. Aizawl, Serchhip, Saitual, Lawngtlai, Mamit, Kolasib leh Khawzawl district-ahte ASF hi kuminah finfiah a ni tawh a, chhungkaw 752-in vawk an chan tawh.
Nikum nena khaikhinin, kumin hian a nasa vak rih lo tiin a sawi thei; nikum khan June ni 3 thlengin vawk 4629 a thi a, vawk 1451 tihhlum a ni. Kumin June ni 3-a aiin a tam zawk fe ve ve.
ASF hi 2021-ah finfiah a ni a, hemi hnu hian kum tin a la leng. 2025-ah khan vawk 9711 a thi a, 3620 tihhlum a ni.
Vawk 2200 chuang thi tawh
