Vawk farm siamtu Zopain ram
pum huap lawmman a dawng
Lengte-a vawk farm siamtu Zorinpuia chuan piggery entrepreneurship lama titha lawmman a dawng a, January 11-a Pune Maharastra-a neih Entrepreneurship Development Conclave 2025-ah hlan a ni.
SR Piggery Farm neitu Zorinpuia hian India rama National Livestock Mission Scheme hnuaia piggery farm dinna tur, a in sak atanga ranvulh thlengin monitoring leh inspection zawng zawng tha taka a paltlang hnuah subsidy thlenga dawng tawhte zingah a zo hmasa leh titha ber zinga thlan a ni.
Conclave hi sawrkar laipui Department of Animal Husbandry and Dairying chuan thlengin, Union minister of state for Fisheries, AH and Dairying George Kurian leh mithiamten thu an sawi a. National Livestock Missiona hmalakna thirho niin, sawiho zui a ni.
Mizoram hi India rama National Livestock Mission- Entrepreneuship Programme (NLM-EDP) a titha zual top 10-a thlan zingah a tel a. Hmarchhak state zinga titha ber a ni bawk. NLM Scheme hian sa, bawnghnute, artui leh ranchawa intodelhna tura hmalatute tanpuina atan subsidy a pe thin a ni.
Entrepreneurship Development Conclave-ah hian Mizoram AH & Veterinary department atangin addl. director (VS&PH) Dr F Lalramhluna leh asst. director (F&FD) Dr Zohlimpuia te an tel.
Vawk farm siamtu Zopain ram pum huap lawmman a dawng
