Chhhimphei Group YMA chuan an huamchhungah vawk thi paih tawh lo turin mipui an hriattir a, paih an awm leh a nih chuan hma an la zui nghal zel dawn tih an sawi.
Chhhimphei Group YMA thuchuak chuan, YMA Muallungthu Branch huamchhung – Zuanbak Luia mi tu tih hriat loh ten vawk hri (ASF) vanga thi nia hriat vawk an paih hmuhchhuah chu Muallungthu Village Council kaihhruaina hnuaiah NGO dangte nen buaipuia phum fel a ni tih a sawi. Hetiang hi an Group huamchhungah thleng nawn tawh lo se an duh a, mite tanpuitu YMA member-te tih turah an ngai loa, an dam takzet, tiin, ASF leng laka khawtin leh vengtin an him theihna’n hma an lak theuh lai a, hetianga ti duh an awm chu pawi a tih thu a sawi bawk.
‘Chhimphei Group YMA huamchhungah hetiang hi a thleng nawn leh a nih chuan Group YMA chu a ngawi mai mai dawn loa, a tul angin hma a la zui nghal zel dawn tih kan inhriattir a ni,’ a ti.
Vawk paih tawh lo turin hrilh
