frican Swine Fever leng mekah vawk, vawksa leh vawksa atanga thilsiam eng chi pawh state dang leh ram dang khawi atang pawhin Mizoram sawrkar chuan lakluh a khap rih.
Mizoram State Disaster Management Authority State Executive Committee chairman, chief secretary Dr Renu Sharma chuan Disaster Management Act 2006 Section 24(1) in thuneihna a pek angin thupek hi a chhuah a. ‘Thu leh awm hma zawng, Mizorama vawk, a sa leh vawksa atanga siam thil eng pawh, ram chhunga state dang leh ram dang reng reng atanga lakluh khap tlat a ni,’ a ti.
Mizoram Animal Husbandry & Veterinary department chu vawk vulhna hmunhma vawnfai kawngah hma la tura tiin, natna kai nia rinhlelh vawk ho chu dahhran an nih theihnan hma la turin a ti bawk.
AH&Vety department chu ‘National Action Plan for Control, Containment and Eradication of African Swine Fever’ in inkaihhruaina a siam ang ngeiin, vawk thite tihral a nih theih nan hma la turin a ti a. A hmun ngeia hmalakna piahlamah, natna vang ni thei awma vawk thi chu, AH & Vety department helpline number 1962-ah emaw heng – 9366984867, 9436142908, 9436140179 emaw ah hian inhriattir zel turin a chah a ni.
AH & Vety department chhinchhiah danin May 30 thleng khan Mizoramah ASF vang hian vawk 2933-in a thih phah tawh a, heng zinga 1098 hi ASF natna vanga thi niin, a dang 1835 hi ASF kai nia hriatchian tih hlum/ suat an ni. May 30 bikah ASF natna avanga thi 17 leh suat 76 a awm a ni.
Vawksa lam chi ho state pawn atanga lakluh khap
