Vice President awm laiin
sawrkarin lo hal lo turin ti
Aizawlah Vice President of India CP Radhakrishnan a lokal dawn a, venhimna thil leh Lengpui Airport chhehvela nunphung pangngai tibuai thei thil duhawm lo a thlen lohna turin Mamit district magistrate chuan mipui zawm turin thupek a tichhuak.
Vice President of India hi Mizoram University-a hun hmang tur a ni a. Mamit district magistrate thuchhuah ang chuan, March 6-8 inkar hian, Mizorama a cham chhungin Lengpui Airport leh a chhehvela thil duhawmlo thleng thei laka invenna leh venhimna tha taka kalpui a nih theihnan dan tlawchhan hmangin mi tumahin lo/huan leh leipui hal lo turin a ti.
Thupek hian Lengpui bakah Rawpuichhip, Tuahzawl, Hmunpui, West Serzawl, Dapchhuah, Dilzawl, Nghalchawm leh Lengte khua a huam a. Thupek bawhchhia chu Section 223 BNS 2023 hmanga hrem theih an ni tih a sawi.
Vice President awm laiin sawrkarin lo hal lo turin ti
