Khawvela fashion show ngaihven hlawh ber pawl ni thin Victoria’s Secret Fashion Show chu kum li an neih tawh loh hnuah kumin atangin an thar thawh leh dawn tih an puang ta.
Hmeichhe hnuailam thawmhnaw siam lama hmingthang Victoria’s Secret hian March ni 3 khan 2022 earnings conference call an nei a, hetah runway show an lo chawlhsan tawh chu 2023-ah an nei leh dawn tih an puang a, show neih dan erawh an tidanglam deuh tawh ang.
CFO Timothy Johnson chuan, “Kan fashion show version thar hi kum tawp lamah kan chhawp chhuak ang,” a ti a, CEO Martin Waters pawhin Victoria’s Sceret hian model leh ambassador lak belhin, model te kum leh pianzia hrang hrang an lawrkhawm lehzual dawn niin a sawi ve bawk.
2019 khan a vawi khat nan Victoria’s Secret Fashion Show chu thulh a ni a, a hma chiah, 2018 show kha ratings-ah a tlahniam hle a, hei hi an chawlh chhan pakhat ni a sawi a awm nghe nghe a, 2019-a an chawl khe an chawl tlang ta zel a ni.
Victoria’s Secret Fashion Show an thar thawh leh dawn
