Vienna khawlaiah Swift fans an pungkhawm
August ni 8, ni 9 leh ni 10-a Vienna, Austria a Taylor Swift ‘Eras Tour’ concert neih tur chu terrorist ten beih an tum tih police ten an hriatchhuah hnuah Swift show neih tur te hi an thulh ta vek a, hetiang anih tak avang hian Swift fan-te chu a pui a nawiin Vienna khawlaiah sang tam tak pungkhawmin, Swift hla an sa rual ta thup thup mai a ni.
Taylor Swift hi mipui 65,000 vel lenna Ernst Happel Stadium-a zan thum chhung concert nei tur a ni a, mahse, August ni 7-a Vienna-a police ten mipakhat an man hnen atangin Vienna-a event lian tak takah tharum thawhna thlen an tum thu leh mi tam tak thihchilh tuma ruahmanna an neih thu te an hriat chhuah tak hnuah August ni 8 a tan tur Eras Tour pawh an thulh ve ta nghal a ni.
Vienna police te hian mi pathum, rawlthar kum 19 mi leh kum 18 leh kum 17 mi an man tawh a, anni hnen atang hian chet an tum dan te an hriatchhuah belh zel a ni.
Hetiang boruak avanga Swift fans an hawihai lutuk tur hi a hnem nan an ti a ni ngei ang Disney+ leh Austrian channel ORF 1 te chuan Taylor Swift ‘The Eras Tour (Taylor’s Version)’ concert film chu Austrian fans tan a thlawna en theih turin nimin khan TV-ah an tichhuak ve thung.
Vienna khawlaiah Swift fans an pungkhawm
