Vietnam-ah Vladimir Putin

Russian president Vladimir Putin chuan Vietnamese capital Hanoi lutin East Asian tour a neiha ram pahnih a tlawhna chiah a ni bawk.
Vietnam tlawh hma hian North Korea tlawh hmasain East Asia region-ah Russia chuan thlawptu a la nei tha hlea ngaih a ni bawk.
United States chuan Putin zin chu sawisel thungin Ukraine a runah platform an la pe zel tiin a sawi ve thung.
Vietnam erawhin Europe leh US nena inzawmna tha siam a tum mek laiin Russia nena tun hma atanga inzawmna an neih chu a la hlut hle thung.
Hanoi political quarter Ba Dinh tihah chuan meter nga a sang Lenin lim chu la awm rengin a piancham kumtinin senior Vietnamese officials te chuan pangpar dahin milim chu zahna chibai an la buk thin a. He Lenin a lim hi Soviet Union in an pek a ni.
Vietnam leh Russia inzawmna hi nghet tak kum sawm tam kaltaa intan daih tawh kha niin kum 1950 chhova North Vietnam communist state pian tirah Soviet Union in diplomatic leh economic support a pek atang daih tawha intan a ni.
Vietnam chuan ram pahnih inlaichinna chu ‘rinawmna leh lawmna’ tiin a sawi hial a. Vietnam chuan kum 1978 khan Cambodia runin Khmer Rouge regime an paihthla a, China leh Khawthlang ram ten kawmserhin khatah khan Soivet puihnaah thuktakin a innghat a ni. Vietnamese kum upa tawh tak tak tuna communist party secretarygeneral Nguyen Phu Trong ang te chu Russia a lehkha zira an tawng pawh zir an ni.
Tun hnaiah Vietnam economy chu khawvel huap pawha economy thang duang ber pawl ni mekin chutih laiin Russia erawh China, Asia, US leh Europe lakah a tlahniam hle thung a. Vietnam hian Russian siam military equipment tam tak la hmangin South China Sea a oil siakchhuahah pawh Russian oil company te nena la thawkho zel an ni bawk.
Ukraine run chuan Vitnam chu diplomatic challenge a siam sak a, mahse, tun thlengin tha takin a la kalpui thei thung. United Nations ah Russia demna lam chi reg reng resolution ah a la hai zel a, chutihrualin Ukraine nen pawh inzawmna tha neiin Kyiv hnenah tanpuina pawh a pe a ni. Soviet era-ah khan legacy thuk tak neiin Vietnamese sang tam tak te chu Ukraine-a lehkha zir tawh an ni bawk.
Vietnam chuan foreign policy a kalpuiah alliance zawm bik nei lovin tute nen pawh inzawmna tha an siam a, chu chu communist party leadership te chuan ‘bamboo diplomacy’ tia sawiin thlawp bik nei lo va, thli chhem zela thlek an kalpui a ni.
Vietnam chuan hun rei tak indona a neihpui US nen pawh inzawmna tha tak siam bawkin, chu mai bakah a thenawm China nena pawh inzawmna tha an nei tho bawk.
US chuan Putin-an Vietnam a tlawh chu sawiselin khawvelin kawmserh a tumna ngaihsak lohna angah a sawi chungin a barakhaih lem lo. Russia nena inlaichinna hun rei tak neih bakah Ukraine bikah pawh Vietnam tan chuan a tan tho an ni bawk si a ni.
Asian ram dangah pawh Ukraine indona chuan tan lam neihtir a tih harsatna a awm. Thailand angah te pawh history thlirin US nena inzawm leh Cold War lai pawha Russia dodal a ni a, public opinion pawh a darhsarh tho. Thai tam tak te chuan an monarch leh pre-revolutioTsar of Russia inlaichinna an la ngaihlu a. Chutih laiin tuna Thai sorkar chuan Russia nen inzawmna an nei tha hle a, Russians tena an tourist industry a million tel thawh an neih chu an ngaihlu tho.
Eng tianga rei nge Vietnam-in Vladimir Putin nena inlaichinna tha an neihzui ang tih a chiang lo va, mahse, military equipment lama Russia laka innghahna tihtawp nan chuan kum tam la ngai tura ngaih a ni.
Tun hnaiah erawh Vitnam communist party chhunga hruaitu lawk tak tak bang an tam hle a, chu chuan next geration leader ten eng tiangin nge Vietnam an kalpui dawn tih a chiang lo thung. Vietnam chuan tanbik nei lo va kal pawh a bansan mai thei zawk tih a ni bawk.