European Competition khel tur Aston Villa chuan an squad an thuamchak chho zel am an player manto ber ni turin Moussa Diaby chu Bayer Leverkusen atang in an la lut a, hun rei tak daih contract an ziahpui.
Villa in Diaby an lakna zat hi chiang taka tarlan ni lo mah se kum 24 mi hi 60m euros (£51.9m) vel bawrin an la lut nia hriat a ni. Villa hian kum 2021 khan Norwich City atangin Argentina midfielder Emiliano Bu-endia chu £33m sengin an la lut a. Buendi record khumin Diaby hi an pla-yer manto ber thar a ni.
Aston Villa winger thar Diaby hian kum 2019 khan Paris St-Germain atangin Bayer Lever-kusen hi a zawm a. German club tan hian inelna hrang hrangah vawi 173 a khel hman a, goal 49 a thun bakah assist vawi 48 zet a nei bawk. Kum 2021 atang khan France tan a khel tan a, World Champion hlui France tan hian vawi 10 a khel tawh. League ropui English Premier League-ah cho-na thar a hma-chhawn tur chu Diaby hian phu-rawm a tih thu a sawi.
Season liam ta khan Aston Villa hi EPL-ah pasarihna an ni a, Europa Conference League khel turin an tling. European competition khel tur an nih vangin an squad tham chak hna a thawk a, nipui bazar inhawng mekah player pathum an la lut tawh. Diaby an lak luh hma hian Leicester City atangin Belgium mid-fielder Youri Tielemans an la a, Villareal atangin Spain centre-back Pau Torres an la lut tawh bawk. Player tha tak tak an lak luh vangin an phur leh zual a, inrin-tawkna sang zawk nen season thar an hma-chhawn ang.
Villa in Diaby la lut
