Vitamin B12 i tlachham em?
I chauin i zawi leh ngawih ngawih thin a, i ngaihtuahna te a mang leh deuh thut thin a, i kut te a chawmawlh leh tlat thin. “Eng emaw mai mai a niang?” tiin kan ngaihthah thin. India-ah hian Vitamin B12 tlachham kan tam hle mai a, thil ho mai mai a ni lo, zirchianna an neiha an hmuh dan chuan Indian puitling zinga 47% vel zetin Vitamin B12 kan tlachham an titlat mai.
Vitamin B12 tlachham te awmdan tlangpui chu a chunga kan tarlan tawh ang khi a ni. An chauin an zawih reng maia, blood cell count a hniam a, luna an nei duh hle bawk. Kut leh ke zungtang za emaw chawmawlh emaw te pawh an nei thin.
Sa ei lo, vegetarian leh vegan (vegeratian te hi chuan bawnghnute leh artui te pawh an ei theia, vegan te hi chuan sa atanga chhuak reng reng, bawnghnute leh artui te pawh an ei lo), kum upa lam leh nu naupai lai te hian Vitamin B12 tlachhamna risk an nei sang lehzual.
Ei leh in a pawimawh hle a, Vitamin B12 kan hmuh theihna hi sa leh sa lam chi a ni a, sa , sangha, artui, bawngnute leh bawnghnute atanga thil siam dang te hi Vitamin B12 awm tamna an ni. Mahse, tunlaiah sa ei lo kan tam ta. Hetihrual hian sa ei zingah pawh pum lam chiang lo (digestive issue) vang te, an damdawi ei (diabetes damdawi ang te), kum a lo upat deuh avanga pum lam hriselna lo danglam ta deuh vang te pawh Vitamin B12 hi tlakchham theih tho a ni. Kan tunlai khawsak phung, chaw ei dan mumal lo, stress leh digestion lam fel te tan pawh Vitamin B12 deficiency hi awm thei a ni.
Vitamin B12 chu thisen siamna kawnga pawimawh tak, nerve function atana pawimaw leh thluak lam tan thlenga pawimawh a ni a, chuvangin Vitamin B12 kan tlakchham reng chuan hriselna lamaj harsatna nasat zawk kan neih phah thei a, anemia, nerve tha lo leh thluak lama harsatna te pawh kan neih phah theia, lung lam natna (cardiovascular disease) risk te pawh a tisang thei.
Vitamin B12 tlachham lanchhuah dan hrang hrang a awm a, kut leh ke chawmawh leh za deuh mer mer, kal tha thei (balance buai, kal bai deuh), anemia, taksa vûng, lei (tongue) na, thil ngaihtuah harsat leh thil thiam thei lo, thil chhinchhiah thei lo leh memory loss bakah taksa hah leh chau leh chak lo te hi a lanchhuah dan tlangpui a ni.
Vitamin B12 tlachham chu complete blood count (CBC) leh serum B12 level bakah homocysteine leh methylmalonic acid test atangin a hriat mai theih a ni.
Vitamin B12 i tlachham em?
