Vohbikte hriselna endik sak
Lunglei district administration hmalaknaa Lunglei district-a vohbikte chawikanna atana ruahman – Project LEAP hnuaiah Zirtawpni khan Lunglei Home TNT-ah TNT leh Thualthu biala vohbikte hriselna dinhmun endik sak an ni.
Sub-deputy commissioner Lalnunchhani Hnamte hoin Project LEAP leh Healthy Lunglei District Campaign team chu TNT-ah kalin camp hi an buatsaih a. Civil Hospital Lunglei atangin doctor leh thawktu an thawkchhuak.
Vohbik 54 inentirin, an vai hian Unique Disability Identity (UDID) card nei thei tura nemngheh (certify) an ni a. UDID portal kaltlangin UDID card siamsak tura buaipui nghal a ni. Thualthu leh Bualte atanga kal vohbikte chu an veivahna senso tumsak an ni bawk.
Healthy Lunglei District campaign hnuaiah medical team-ten natna inkai chhawn theih loh – zunthlum leh thisensang neih leh neih loh an endik nghal a. Screening-ah hian mi 76 endik niin, thisensang hriat chhuah thar 9 leh hriat sa endik nawn 3, zunthlum hriat chhuah thar 2 leh hriat sa endik nawn 1 an awm a ni.
Vohbikte hriselna endik sak
