Vote chhiar dan tur ruahman

Serchhip additional DC Lalnundika hoin vote chhiar inpuahchahna bul tan nan Ningani khan thutkhawm a ni.
Serchhip district-a Assembly constituency pathum – Serchhip, Tuikum leh Hrangturzo ah constituency tina vote tla chhiar turin Election Commission of India duhdan angin ruahman a ni a. Thutkhawmah hian counting hall hmunhma tur, venhimna chungchang, chanchinbumite dawnsawnna tur Media Centre ruahman dan tur sawi ho a ni. Sawrkar hnathawk vote chhiar tur inruat dan leh training neih dan tur, training-na hmun turte sawihoin, ruahmanna siam nghal a ni. Kar thar atang hian vote chhiar turte leh vote chhiar kaihhnawiha duty tur official-te tan training buatsaih tan nghal tum a ni.
Thutkhawmah hian Assembly bial tina returning officer leh assistant returning officer-te bakah Serchhip SP leh addl SP, DIPRO leh Assembly level master trainer-te an tel a ni.