Lok Sabha inthlan atana electoral roll hmanah Mizoramah vote nei 856364 atangin polling station kaltlangin mi 487013-in vote thlak a, za zelah 56.87 a ni. Hengah hian postal ballot leh electronically transmitted postal ballot system (ETPBS) hmanga vote tla chhiar tel a la ni lo thung.
April 19-a MP inthlan neih zawh takah Mizorama polling station 1276-a vote tla zat hi 487103 a ni a; mipa 241213 leh hmeichhia 245800 an ni. Postal ballot leh ETPBS kaltlanga vote tla chhiar a la ni lo a. Postal ballot bikah hian April 19 thleng khan vote 2107 a tla a. Home voting atanga tla 1983 (kum 85 chunglam vote 1715 leh PwD vote 268) leh essential services vote 124 an ni. ETPBS kaltlanga thawn chhuah service voters 4693 thlak zat hriat theih a la ni lo bawk.
Assembly bial anga vote tlak thatna ber chu 36-Tuichawng (Lawngtlai district) a ni a, vote tla zaa 72.48 a ni. Vote tla tlemna ber chu 13-Aizawl East I (Aizawl district) niin zaa 48.22 a tla a ni.
District Total Voters Voter Turnout %age
Aizawl 288304 153638 53.29
Lunglei 100700 58668 58.26
Siaha 44702 24616 55.07
Champhai 57463 32404 56.39
Kolasib 63819 36387 57.02
Serchhip 54193 32025 59.09
Lawngtlai 92455 58587 63.37
Mamit 65134 41329 63.45
Khawzawl 17586 10510 59.76
Hnahthial 16223 9088 56.02
Saitual 55785 29761 53.35
TOTAL 856364 487013 56.87