Lok Sabha inthlanpui atana SVEEP (Systematic Voters Education & Electoral Participation) Aizawl District-in inthlan chungchang inhrilhhriat leh zirtir kawnga hma a lakna peng khat atan Nilaini khan Millennium Centre Atrium Aizawlah Art Workshop & Exhibition a buatsaih a. Aizawl district election officer Nazuk Kumar chuan a hawng.
DEO chuan Mizoram MLA inthlanah vote a tla tha viau thin a, MP inthlanah vote tla a kiam ta thin tih sawiin, “A inkar a hlat loh avangin MP inthlan hi kan ngaihpawimawh thar a tul a. Seat khat chauh nei mah ila, chu seat khat luahtu chuan state tan hmasawnna tur tam tak a thlen thei,” a ti. Artist-te nen thawk hoa, vote pawimawhna an puangchhuak ho thei tur chu lawmawm a tih thu a sawi a. April 19-ah vote nei chuan vote thlak ngei turin mipui a chah.
Art workshop & exhibition hi April 5 thleng awh a ni a. Aizawl Art Gallery & School of Fine Arts nen thawk duna buatsaih a ni.
Vote thlak pawimawh zia zirtirna atan art exhibition
