Inthlanpui awm turah voter tam thei ang berin vote an thlak theih nana hmalakna hmanrua pakhat atan Thawhlehni zing khan Mizoram Cycling Association nen tangdunin SVEEP (Systematic Voters Educatipn and Electoral Participation) Aizawl District buatsaihin cycle rally neih a ni a. Mi 85 velin thirsakawrin Vanapa Hall kawt atangin AMC office Thuampui thleng an tlan a ni.
Aizawl district election officer Nazuk Kumar chuan India ram chu mipui rorelna, democracy ram kan nih angin, ram inrelbawlna chu mipui kutah a innghat a, chumi atana hmanrua chu vote thlak a ni, tiin, chu vote hlutna chu hre thar a, ram inrelbawlna atana kan mawhphurhna hlen theih turin a chah.
Rally-ah hian tun tum inthlana police observer-a ruat Ajay Kumar Nand pawh a tel a ni.
Vote thlak pawimawh zirtirna cycle rally nei
