Aizawl district Systematic Voters’ Education and Electoral Participation (SVEEP) Core Committee chu Nilaini khan nodal officer C Laltleipuii hoin an thukhawm a, kumin inthlanpuia vote nei a tam thei ang berin vote an thlakna’na hmalakna tur an sawiho.
Inthlan hnuhnung bera Aizawl district-a polling booth tina vote tlak dan leh vote tla zat tlemna hmun sawi ho a ni a. Vote tlak tlem chhan zirchian leh hma lak zui dan tur sawi a ni. Vote tlak danah Mizoram state average chu 80.03% a ni a, Aizawl district-ah 70% aia tlem vote tlakna polling booth 7 a awm. Hetih rual hian state dangte nen khaikhin chuan Mizoramah vote a tla tha thei hle tih sawi a ni.
SVEEP hi khua leh tui, vote nei thei zawng zawngte electoral roll-ah an inziahluh vek a, roll-a chuang tawh phawt chuan ram rorelna siamtu an nihna ang ngeia vote an thlak theuh theihna tura kawng hrang hranga mipui hnena inhrilhriatna kalpui tura din a ni.
Vote tlak tam dan tur rel
