vun tan mai a tha
Mai (pumkin) hi chawhmeh lar ve tak a ni a, vun tan a tha hle tih erawh a hria kan tam lo mai thei.
Mai hian nutritional value a ngah hle a, chubakah beauty product a ni. Vitamins, minerals, fibre leh kan taksa tilang naupang thei tu pawimawh antioxidant te a nei a. Thlasik te a lo ni ta bawk a, he khaw vawt vur mai hnuaia vun man leh nem thep neih theih nan mai hi a tha hle niin an sawi.
Mai chu moisturiser tha tak a ni a, amaha enzyme awm hian min ti lang naupang thei a, alpha-hydroxy acids a nei a, hei hi vun ti lang naupangtu leh tilang fresh-tu niin an sawi. Hetiang a nih vang hian hmai hnawih siamtu company te pawhin mai hi an hmang nasa hle a ni.
Mai chuan vun khawro leh vun chak tawh lo te pawh thawklehkhatah a tuai thar leh nghal thei a, vun thak leh sa deuh hut hut thin te pawh a vawng dai sawng sawng thei niin an sawi. Mai kawr pawh hi arngeng tan damdawi tha tak niin an sawi bawk.
Mai hmanga mask siam dan:
Mai gram 250 vel chhum hmin
Almond 12 vel chan sawm
Khawizu no 1 hmun li a thena hmun khat
Olive oil far hnih vel
Heng hmanrua te hi chawhpawlh la, rawt diak hlarh rawh. Tichuan i hmaiah hnawihin minute 5 vel chiah la, tui lum pep pepin phih fai leh rawh. I vun lo danglam ta chu chawp leh chilhin i hre nghal thei ang.
Mai hi facial nan pawh a tha hle a, a bikin thlasik laiin a tha lehzual. Mai facial nana i mamawh te chu:
Mai rawt kawi thirfiante 2
Khawizu thirfiante chanve
Bawnghnute thirfiante chanve
Cinnamon spice thirfiante khat hmun li a thena hmun khat
Heng hmanrua te hi chawhpawlh la, i diak hlarh rawh, tichuan i vunah hnawih la, minute 15 vel i chiah hnuah tuia tihfai leh mai tur a ni.
vun tan mai a tha
![](https://theaizawlpost.org/wp-content/uploads/tap_logo-min-large.jpg)