Vur thliin US hmun thenkhat nuai
Kar liamta tawp lam atang khan US hmun thenkhat chuan khawvawt an tawrh zual bakah, vur thli tleh an tuar a, hmun thenkhatah chhiatna a thleng bawk.
New York khawpui chhak lam leh midwest state thenkhatah vur thlipui tleh hi a awm nia sawi a ni a, central California lamah pawh thli tleh hi a awm bawk a ni.
Heng vur thli tlehte hian lirthei te tlan dan phung nasa taka tidanglamin, hmun thenkhatah phei chuan kawngpui pela a chhem sawn hialte pawh an awm. Hei vang hian kawngpui pawimawh 80 chuangte chu hun engemaw chen khar ngai hialin an awm a ni.
Vur thli a tleh bakah hian khawvawh vangin vur a tla nasa chho hle a, nunphung a buai chho hle nia sawi a ni bawk.
San Francisco khawchhak lama awm Scotts Valley lamah pawh he vur thli hi na hle in, lirthei thenkhat tihchhiat a neih nual bakah, thing tlu thlengin a nasa hle a, mi engemawzatin hliam tuarin, damdawi in panpui an ni hlawm niin thuneitute chuan an sawi.
Vur thliin US hmun thenkhat nuai
