Wales-ah dodalna avangin primary school khar tum thulh lailawk

Wales-ah dodalna avangin primary school khar tum thulh lailawk
Wales-a primary school khar mai tura ruahman tawhte chu hawn chhunzawm leh rih phawt tur a nih thu Ceredigion council chuan an sawi.
Heng zirna inte hi zirlai naupang an neih tlem avang leh sum indaih lohna avangin khar tum a nih thu an lo sawi tawh a, mahse dodalna a nasat em avangin thulh lailawk rih a ni ta zawk a ni.
Thawhlehni khan hemi chungchang hi thuneitute chuan ngaihtuahin, tualchhung mite ngaihdan hrang hrang an lakkhawm hnuah thutlukna an siam a, kum khat chhung atan hawn leh phawt nise an ti ta zawk.
Thulh lailawk nimahse, thuneitute chuan a kum lehzel erawh an dinhmun tur an sawi theih loh thu an sawi a, sorkar sum indaih lohna phuhrukna tur leh zirlai naupang an tlem zel avangin tih ngei ngei a tul hun erawh la awm thei reng a nih thu an sawi a ni.