Exercise lak tan nan zingkara ke a kal (walk) hi kan hmang deuh ber a, rihna tihhniam duh tana exercise tha tak a ni reng bawk a, tuk khata minute 30-45 vel walk hian lung hriselna atan pawh a tha hle a ni. kan walk hian kut leh ke tan exercise a ni nghal a, digestion a pui a, stress a tiziaawm ve thei bawk.
Hetih rual hian rihna tihhniam duh te tana walk dan hlawk zawk a awm niin mithiam ten an sawi a, Harvard University mithiam ten zirchianna an neih atanga an hmuh danin minute 30 walk hian 150 calorie vel kan paih hman niin an chhut a, kan walk ran (kal chak) zawh poh leh, a thui zawng inang rau rauah calorie kan paih chak niin an sawi.
Kea kan kal hian kan core muscle a che a, taksa a thau in chhekkhawm chu a lo ral telh telh thin a, tichuan kan rihna a lo hniam thin. Intihcher duh vanga walk te tan chuan kar khatah minute 150 (darkar 2.5) tal kartin walk a ngai niin an chhut. Chutihrualin kan walk dan a zirin rihna paih chak theih dan a awm niin an sawi a, kawng chho deuh emaw chhuk deuh emaw a kal hi kawng zawl pangngai a kal aiin intihcher tum te tan a tha zawk niin an sawi.
Kawng chhuk emaw chho emawa kan kal hian kawng zawl pangngai a kal aiin kan ke pen kan tang zawk a, kan taksa a in-exercise nasa zawk a, thahrui a hmang tam zawk a, calorie kan paih chak zawk niin an sawi.
I walk thinna kawng kha thlak fo rawh. Kawng ngai renga kal chuan kan taksain kawng awmdan a lo hre bel tawh a, kawng thara kan kal chuan kan taksain a kawng a la bel lo a, chuvangin a tang nasa zawk thin a, calorie kan paih chak zawk thei.
Walk pahin ban then deuh lah lah a tha. Hei hian kan ban bul a exercise a, kal chen inang rau raua ban then nasa zawk te chuan calorie kan paih hnem zawk thei.
Walk dan tha
![](https://theaizawlpost.org/wp-content/uploads/tap_logo-min-large.jpg)