Washington Open champ De Minaur
Thla thar maia khelh Tan tawh tur kum khat chhunga grand slam tournament hnuhnungber US Open atana inbuatsaihna kal mekah Pathianni khan US Open final khelh niin, 5-7, 6-1, 7-6(3)-a Alejandro Davidovich Fokina hnehtu Alex de Minaur a champion.
He ATP 500 tournament hi Washington DC-a Rock Creek Park Tennis Center-a khelh niin, Washington Open tih a ni bawk.
Australian number one De Minaur hian kum 2018 pawh khan Washington Open final hi lut tawhin, Alexander Zverev lakah a tlawm a, tum Tumah erawh set khatna hloh zet chungin a career-a a title 10-na a hlawhchhuak a, US Open khelh Tan hmain world ranking-ah top 10 a luah chho hman ta a ni.
Kum 26-a upa De Minaur kha seventh seed niin, Spaniard Fokina kha US tournament-ah 12th seed ni chungin a inlan ve thung a, a career-a a title hmasaber tur hlawhchhuak zo loin hun dang a nghah leh rih a ngai.
Nikum US Open-a wildcard hmanga inlan Davidovich Fokina hian ThawhTannia rankng thar tarchhuahah a career-a a tawn san ber hun thlengin world number 19 a ni a, kumin Flushing Mewdows-ah chuan wildcard a mamawh tawh lo ang.
Washington Open champ De Minaur
