Union Minister Amit Shah chuan Parliament ah July 23 khan leimin a awm thut thei tiin Kerala sorkar an hriattir lawk tiin a sawi. Thawhlehnia Wayanad district-a leimin turu tak thleng avangin mi 150 chuangin nunna an chan tawh a, mi 200 chuangin hliam an tuar a. Chhanchhuah hna kalpui mek niin mi 180 vel chin hriat lohin an la awm mek bawk.
Home Minister chuan Pinarayi Vijayan kaihhruai Kerala sorkar chu leimin awm hmain Centre-in warning a pe tia sawiin Centre chuan ruahsur nasa tak a thleng dawn tih a hriat hnuah Kerala-ah NDRF team pakua a thawn lut tiin a sawi a.
“Kerala-ah NDRF team pakua lai a hma daihin thawnluh an ni a. Kerala sorkar in mipuite a hun takah a thiarchhuak lo a ni” tiin Amit Shah chuan Rajya Sabha ah a sawi.
“India chu khawvel ram pali zinga natural disaster thleng tur a hma ni li laia lo sawi lawk thei zinga mi a ni,” tiin Shah chuan a sawi bawk.
Union Minister Amit Shah chuan NDRF team ten Kerala an lut tawh tih an hriat chuan hma la se chuan nunna chan an tlem phah tur, a ti bawk.
Wayanad leimin tur hrilh lawk ti
