Hollywood star Wesley Snipes, kum 61, chu film hit zet mai Deadpool & Wolverine-ah a inlan ve zuai a, he film-ah hian tunhmaa a role lo chan tawh thin, half-vampire ‘daywalker’, vampire that thin, Eric Brooks aka Blade lema bawk a rawn chang leh a, he film thara a rawn inlan ve leh zuai avang hian Wolverine changtupa Hugh Jackman record a rawn khum ta a ni.
Wesley Snipes hi Blade lema a chan atanga kum 25 leh ni 340 hnuah Blade lemah bawk a rawn chang leh a, live action Marvel character anga career nei rei ber a ni ta a ni. Blade film hmasa ber hi 1998-a tlangzarh kha a ni.
Hugh Jackman hi Wolverine lema a channa hmasa ber chu 2000-a tlangzarh X-Men kha niin, Deadpool & Wolverine an tlangzarh hian record siam tura ngaih a ni a, Wolverine lema a channa hmasa atanga chhutin a kum 24-na a ni tawh a, mahse, he film tharah hian Snipes hi Blade anga a rawn inlan ve zuai avangin record hi a siam ta zawk a ni.
Wesley Snipes-a’n Hugh Jackman record a khum
