Wimbledon an tan ta…

Wimbledon an Tan ta…
ThawhTannia Wimbledon 2025 khelh Tan takah kick off laiin khawvel mi lar tak tak hmuh tur an ther fur a, chu’ng zingah chuan a vaw hawngtu David Beckham leh Maris Sharapova-te chu mi mit la zual an ni.
Tennis champion hlui, tleirawl kum 17 mi lek a nih lai kum 2004-a Wimbledon title lo sualchhuak tawhtu Russian nula tawih Sharapova chu All England Club-ah inkhel tur ni loin a kirleh a, football icon David Beckham nen an ‘selfie’ nghe nghe.
English cricket great Stuart Broad pawh star-studded Day 1-ah SW19 chhimtu langsar niin, celebrity lineup kan thlirliam takah khan Oscar-winning actor Eddie Redmayne leh a nupui Hannah Bagshawe bakah ex-England football manager Gareth Southgate pawh hmuh tur a awm.
Inkhel hmasa thlirna
Wimbledon ni khatna ThawhTannia hmeichhe singles inkhel result Thenkhat thlirkual teh ang.
Top seed Aryna Sabalenka chuan a first round match set khatnaah harsatna tawk lo mah se second set-ah Canadian qualifier Carson Branstine khan Court One-ah a chhaihbuai ve ta zek a, Wimbledon title hmasaber tur a beisei leh mekna kawngah Belarusian hian 6-1, 7-5 hnehna a chang.
Tunlai hian khaw lum nasa takin Europe a tuam mek a, London khua meuh pawh a uap ve churh a, ThawhTannia Sabalenka-te inkhelh lai court chhung boruak kha thermometer lamah chuan 30 degrees Celsius chung lam a ni ve hial!
Britain player-te
an pawr!
First round inkhel dangah all-British clash hmuh tur awmin, British women’s number one Emma Raducanu chuan Welsh wildcard leh debutant ni bawk Mingge Xu chu 6-3 6-3-in a hneh phawt.
Tleirawl kum 17 mi leh 318th-ranked ni bawk, British wildcard tleirawl pathum zinga pakhat Xu khan tunhma lamin top 50 player a la hneh ngai lo hrim hrim a, Number One court-ah pawh Raducanu laka ‘upset’ thlentir tur awmin a khel lo hrim hrim!
Britain player dang Sonay Kartal pawh first round match-ah a chak a ni satliah mai lo a, Latvia player hriat hlawh Jelena Ostapenko a barakhaih.
Kartal laka tlawm French Open champion hlui Ostapenko kha 20th seed niin, kum 2018 khan Wimbledon semi-finalist a nih tawh bakah nikum khan quarter-finalist a ni leh bawk a, a lan dan maiah chuan Latvian kha hneh tur a ni lo!
ThawhTanniah British tennis a vul a, Raducanu bakah mipa lamah Jack Draper pawhin ‘headline’ a luah a; tunkar chhung hian men’s leh women’s singles lamah Briton 23 ngawt an inlan dawn a, chu chu kum 1984 hnu lama a tir chawlhkar khat chhunga tualchhung player-te inkhelh hnem ber Tum a ni dawn.
Top-100 world ranking tehna aTangin player pasarih chu direct-in an qualify a; US-based collegiate player Oliver Tarvet chu qualifying kaltlanga tling, player dang 15-te chu duhsakna (wildcard) hmanga inkhel thei an ni.
Raducanu, Katie Boulter leh Kartal-te khan karliamta thlengin top 50 an luah pha a, kum 1986 hnu lama top 50 luah pha British hmeichhia pathum an awm leh vawikhatna chiah a ni nghal.
Chhan hrang hrang avangin kumin hi kum 41 chhunga Wimbledon-a British player-te vul ber hunah an chhinchhiah zui ta hial a, an thlensan leh san loh erawh kan la hre chhawm ang chu!
Mittui nena kalbo Tunisian Jabeur
Arab leh African hmeichhe tennis player zinga hlawhtling leh thleng sang ber ni mek Ons Jabeur chu hliam leh nain a la tibuai chhunzawm ta zel a, ThawhTannia Viktoriya Tomova nen an inkhelh laiin medical timeout kaltlanga enkawl a ni chungin a khel chhunzawm thei lo a, mittui nen khelmual a chhuahsan leh.
Tunisian star hi Wimbledon-ah a hlawhtling thei tlat lo a, Tum hnih ngawt final khel tawh mah se a tlawm zawkah a Tang ve ve a; ThawhTanni pawh khan world No. 111 Tomova laka rinkai zawk ni mah se 7-6 (7-5), 2-0-a hnufual laiin mittui nen Court 14 a chhuahsan.
Seeded 30th Jabeur hi tunah kum 29 mi ni tawhin, hmeichhe tennis-ah chuan veteran a kai chho hnai ve tawh a, ranking lama a san ber Tumin World No. 2 a ni ve tawh a; Wimbledon (2022, 2023) leh US Open (2022)-ah final thleng mah se a champion zo lo ve ve a; hliamin a tlakbuak chhoh tak reng avangin major title la loin a kalbo thei mai ang tih hlauhna a lian hle a ni!
2023 season pawh kha dar na avangin a pawt tawi tawh a; a comeback hnu lawkah ke lam hliam avangin mittui nen bawk Miami Open aTangin a kalbo a; tunah world number 59 niin, SW19-a a hmabak hlenchhuah tur la awm a beisei leh laiin first round match pawh a khel zo leh thei ta lo a, Wimbledon trophy hawn a beiseina hi a thamral mek a tih theih em?!
Ni khatna inkhel dangah USA star hraw Madison Keys pawhin first round paltlang ve bawk mah se Romania player Elena-Gabriela Ruse lakah thahrui leh thlantui a seng hnem hle a, rim taka thawkin 6-7(4), 7-5, 7-5 hnehna a chang hram a ni.
Pegula barakhaihtu Cocciaretto
Thawhlehniah ‘upset’ lian hmuh tur awm lehin, hriat hlawh lo Italian World No. 116 Elisabetta Cocciaretto chuan first round match pakhatah 6-2, 6-3-in World No. 3 Jessica Pegula of USA a barakhaih!
Kum hnih kalta khan Italian player hi Wimbledon-ah bawk hian American Pegula lakah straight-sets hmangin a lo tlawm tawh a, tunah phuba a la ve ta chiah a, a career-a top 10 player a hneh Tum hnihna a ni.