Wiskey collection nei turu ber
Vietnam a cheng Nguyen Dinh Tuan Viet chuan khawvela whiskey manto leh hriathlawh chi hrang hrang lak khawm a atchilh tlat mai a, a whiskey collection hlut zawng hi dollar maktaduai 150 chuang a ni daih! Guinness World Records pawhin khawvela whiskey collection nei turu berah an puang.
Viet hian zu um man to ringawt a la khawm chhuang lo a, zu um upa tawh tak tak bakah khawvela hmuh tur vang tawh ang chi te pawh a lakhawm zel a, a zu collection zingah ian anmahni ngawt pawha record siam thei khawp um nga a nei. Macallan 1926 60 Year Old a tel a, hei bakah hian whiskey, cognac, armagnac leh rum um upa ber te a kawl theuh bawk.
Viet hian khawvela Whiskey Collection hlu ber record bakah khawvela Cognac Collection hlu ber a siam tel bawk. A whiskey collection hi dollar maktaduai 150 chuang a hlu niin an chhut a, um 1,200 chuang a collection-ah hian awmin, kum zabi 19-na leh 20-na vela Scottish zu hriathlawh tak tak te pawh a kawl a, khawvela whiskey manto bera chhal um nga a kawl tel bawk.
A collection zinga mi Macallan 1926 60 Year Old hi khawvela zu um man to ber record vawi duai lo siam tawh a ni a, hetiang zu hi 2023-a Valerio Adami edition an lilam pawh um khat dollar maktaduai 2.8-in an hralh! Hetiang zu um nga a neih te hi um khat pawh dollar maktaduai 1.5-2 chunglam vek niin an chhut.
A cognac (cognac chu brandy chikhat, thei tui, a bikin grape atanga siam a ni a, France-a Cognac region atanga siamchhuah niin, a siam danah double distillation a nih bakah oak barrel-ah an um kher thin ) collection pawh dollar maktaduai 25 man niin an chhut a, cognac chi hrang hrang um 700 a kawl tling a, hriat theih chinga khawvela cognac upa ber 1696 kuma siam, Jules Robin Cognac pawh a kawl khiau a ni.
A collection zinga um thenkhat chu khawvela a ang hmuh tur awm tawh lo, collector thenkhat te pawhin a awm ngai tih pawh an hriat loh te a ni nawk mai. Hetianga zu um lakkhawm hi kum 30 vel a lo tuipui tawh a ni.
Wiskey collection nei turu ber
