NBA regular season 2024-25 khelh chhunzawm zel a ni a, vawi thum ngawt MVP ni tawh Nikola Jokic chetthatnaa inkhelah Denver Nuggets chu Washingto Wizards hneh lovin an tlawm. Nuggets an tlawm laiin inkhel dangah Cleveland Cavaliers chuan Hornets lakah hnehna an chang ve thung.
Washington Wizards hi Denver Nuggets lakah an khel tha viau a, quarter pathumah chungnung zawk an ni a, quarter thumnaah erawh point rukin an hniam ve zeuh thung. Nuggets lakah Wizards hian bul an tan tha a, quarter khatnaah point 7 ngawtin an chungnung nghal. Quarter hnihnaah point 5 in an chungnung zui leh a, point 16-a hmahruai chungin chawlhlawk an hmang.
Chawlhlawk hnu lamah Nuggets in bul an tan tha ve thung a, quarter thumnaah point 6-na chungnungin Wizards nen an inkar an tizim. An khingpui lehthal theih beiseina nei bawk mah se Nuggets hi quarter hnuhnung berah point thumin an hnufual zui leh a, an khingpui Washington Wizards te hi point 9 in an phak lo va, 113, 122 in tlawm zawkah an tang zui ta a ni.
Wizards laka an tlawm tum hian Nuggets player pawimawh Nikola Jokic chuan point 56 zet a thawkchhuak a, hei hi NBA-a point a thawhchhuah tam ber a ni nghe nghe. Jokic hi NBA match khatna point thawkchhuak hnem ber dawttu a ni a, a chungah match khatna poin 73 zet thawkchhuak tawh David Thompson a awm. Thompson hian kum 1978 khan NBA game khatah point 73 zet a thawkchhuak a, record khum har tak a hnutchhiah.
Inkhel dangah Cleveland Cavaliers chuan point 116-102 in an khingpui Charlotte Hornets an hneh. He inkhelah hian Evan Mobley chuan point 41 a thawkchhuak a, hei hi NBA-ah game khata point a thawhchhuah tam ber tum a ni.
Wizards lakah Nuggets an chak zo lo
