Kum 2026 khian a vawikhatna atan Women’s Club World Cup khelh a nih tur thu Fifa chuan puangin, a hun atan January leh February thla tinzawn fel nghal a ni.
Team 16 inelna tur tournament hi kum li dan zela khelh tur niin, European league hrang hrang domestic season leh Women’s Champions League group stage leh knockout round khelh loh lai an chuh dawn a ni.
USA National Women’s Soccer League (NWSL) season hi a tlangpuiin March thlaa khelh tan thin a ni.
Nilainia thuchhuah an siamah Fifa chuan khawvel huap women’s club competition siam chungchang hi December 2022 khan rel tan a nih thu leh tun Nilainia Bangkok khuaa Fifa congress-in a nemnghet ta tih an tarlang.
Barcelona chu European champion lai niin, NY Gotham FC chu reigning NWSL champion an ni a, Brazilian club Corinthians chu South America khawmualpui lam inelna Copa Libertadores Femenina title kawl mektu an ni ve thung a; khawmualpui champion theuhte zinga thiamber hi mipa ang bawkin hmeichhe lamah an zawng ve tawh dawn a ni.
Tuntum Fifa inkhawmpui lian hian kum 2026-29 atanga hman tan tur international match calendar thar pawm fel nghalin, he calendar thar hian match tam lutuk avanga player-te hah rimtawng chhawk zangkhaina lam a hawi a, international break hun pawh ni ruk atangin ni ngaa pawhtawi an remti.
Fifa congress-a an thu vuakthlak tarlan hman tak lohah 2027 Women’s World Cup thlengtu tur chu vote hmangin tihchian tur a ni a, Brazil an maltan laiin Europe ram pathum Belgium, Germany leh Netherlands chuan inthlentawm turin an dil ve bawk a, an pahnih hian buk tur a ni.
Women’s Club World Cup hmasaber
