Directorate of Ayush, Health & Family Welfare Department, Government of Mizoram hma laknain thawhtanni khan TS Luaia Middle School, Rengtekawn, Kolasib-ah World Ayurveda Day vawi 8-na pualin hun hman a ni.
World Ayurveda Day vawi 8-na puala hian District Hospital Kolasib Senior Medical Officer (Ayush) Dr C. Vanlal-hlimpuia hovin doctor leh thawktu dangte chuan Ayurvidya (School Health and Education Programme) an buatsaih a.
SMO Dr C. Vanlalhlimpuia chuan Ayurveda chungchang leh hriselna kawnga hriat tur pawimawh hrang hrangte sawiin, zirlai kal khawmte chu rilru leh taksa hrisel nei tura an nunphung leh ei leh in uluk turin a chah a. District Hospital Kolasib-a Physical & Stress Management Instructor R. Lalhmangaihzuala chuan zirlaite chu taksa sawizawi pawimawhna leh taksa sawizawi dan tur (basic yoga exercise) a zirtir bawk.
He hunah hian a thlawna inentirna (free clinic) buatsaih nghal niin, mi 98 hriselna dinhmun enfiah a nih bakah a thlawnin damdawi eng emaw zat sem a ni bawk.
World Ayurveda Day hi kum 2016 a\ang khan hman \an niin, kum tin thupui neiin October thla chawhnu lam emaw, November thla chawhma lamah emaw hman a ni \hin a. Kumin thupui atan hian, “Ayurveda for One Health – Ayurveda for everyone on every day” tih chu hman a ni.
World Ayurveda Day pualin hun hmang
