College of Veterinary Sciences and Animal Husbandry (CVSc&AH) Central Agricultural University Selesih Aizawl chuan April 27 khan an college hmunah World Veterinary Day 2024 an hmang a. CVSc&AH dean Prof Lalnuntluangi Hmar chuan a hmanpui.
Kumin thupui chu “Veterinarians are essential health workers” (Mihring leh ran hriselna atana veterinary doctor-te hi hna thawktu pawimawh tak an ni) tih hman a ni a, powerpoint presentation hmanga zirlaite tan inelna buatsaih niin, zirlai 10 an tel a; 1-na SunepielaImchen (3rd Year BVSc& AH), 2-na Rejoicy Khynriam (1st Year BVSc& AH), 3-na Dr Gunda Sai Rakesh (MVSc) zirlaite an ni.
An college zirlai pass chhuak tawhte, Alumni bultumin kumin World Veterinary Day thupui vek hmang hian poster siamin zirlaite an inel bawk a. Zirlai 20 telin, 1-na Lovely Debnath, 2-na Salka Jamatia, 3-na Chiging Riniya an ni.
An college-a zirtirtu pawl – Veterinary College Teacher Association (VCTA) bultumin a thlawna ui a hri danna (Free Antirabies Vaccination Camp) nei nghal a ni a. Ui 57 leh zawhte 9, a vaiin 66 an chiu a ni.
World Veterinary Association chuan World Veterinary Day hi kumtin April thla Inrinni hnuhnung bera hman thin turin a ti a, kum 2000 atang khan hman tan a ni.
World Veterinary Day hmang
