World Wrestling Entertainment (WWE) star Bray Wyatt, kum 36, chu an rama Ningani kalta khan a thi tih WWE chuan a puang. Wyatt, a hming tak Windham Rotunda hi ‘a thi thut’ niin WWE chuan an tarlang a, a thih chhan tarlan a ni lo.
WWE chuan thuchhuah siamin, “Windham Rotunda, Bray Wyatt ti a hriat bawk chuan Ningnani, August ni 24 khan kum 36 mi niin min kalsa ta tih thu hriat hian kan thin a thawng hle a ni. Rotunda kalsan tak a chhungte, thiante leh fan-te kan tawrhpui tak zet a ni,” an ti.
Wyatt hi 2017 WWE champion niin, “The Fiend” ti a hriat lar a ni bawk a, 2023 Royal Rumble kha TV-a a performance hmuh theih hnuhnung ber a ni ta a ni.
Wyatt a pu Robert Deroy Windham (Blackjack Mulligan), a pa leh a unaute pahnih (Barry leh Kendall Windham) te chu WWE-a lo tel tawh vek an ni bawk. Wyatt hian a fate pahnih Mike leh Stephanie Rotunda te a kalsan a ni.
WWE star Bray Wyatt a thi
