Ye (Kanye West) leh Ty Dolla Sign te hla ‘Carnival’ featurng Rich the Kid & Playboi Carti chu kar khat chhunga US-a hla lar ber niin, Billboard Hot 100 (singles) chart-ah No.1 a kai a, he chart-a Ye hla No.1 kai thei pangana niin, Ty Dolla Sign tan a pahnihna a ni a, Rich the Kid leh Playboi Carti te tan a pakhat an pakhatna ve ve a ni ve thung.
Billboard Hot 100 chart hi kar khat chhunga US-a hla lar dan tehna niin, chart ranking siam nan all-genre US streaming (official audio leh official video), radio airplay leh sales data te chu tehna pawimawh a ni.
Carnival hian kar khat chhungin stream maktaduai 33.7 leh sales 3,000 neiin, radio airplay-ah pawh ngaithlatu maktaduai 3.9 a la nei theia, tihian chart ranking-ah No.2 atangin No.1-ah a insawn ta a ni.
Ye hian kum 30 chung chu kum 10 bi tinah he chart-a No.1 kai thei hla a nei vek a, ani hi rapper zingah hetiang tithei awm chhun a la ni a, 2000s, 2010s leh 2020s-ah te he chart-a No.1 kai thei hla a la nei ziah a ni, mipa zaithiam zingah pawh hetiang tithei awm chhun a la ni. Hmeichhe lamah pawh heng kum 10 bi dana No.1 kai thei hla la nei vek thei te chu Beyonce, Mariah Carey leh Lady Gaga te chiah an ni.
‘Carnival’ hi Ye leh Ty Dolla Sign te album intawm ‘Vultires 1’ atanga single niin, a album pawh hi an tlangzarh hlimah Billboard 200 (aobums chart No.1-ah a debut nghe nghe a ni.
Teddy Swims ‘Lose Control’ chu No.5 atangin No.2 a kai thar leh a, chart No.1 hlui Jack Harlow ‘Lovin on Me’ chu No.3-ah bawk a la awm a, Benson Boone ‘Beautiful Things’ pawh No.4 a la ni. Kar liamta chart No.1 Beyonce ‘Texas Hold ‘Em’ chu No.5-ah a tawlh ve ta bawk.
Tate McRae ‘Greedy’ chu No.8 atangin No.6-ah a insawn leh hret a, Zach Bryan ‘I Remember Everything’ featuring Kacey Musgraves chu No.7-ah bawk la awmin, SZA ‘Snooze’ chu No.9 atangin No.8-ah a insawn leh hret a, Doja Cat ‘Agora Hills’ chu No.112 atatgnin No.9 a kai thar ve leh ta bawk a, top 10 khartu chu chart No.1 hlui Taylor Swift ‘Cruel Summer’ a ni.
Ye & Ty Dolla Sign ‘Carnival’ a Hot ber
