Mizoram EIACP Hub – Mizoram Pollution Control Board (MPCB) leh YMA ITI Veng Branch-a YMA Chhang thawkdun chuan Inrinni khan Mission LiFE (Lifestyle for Environment) programme hnuaia hmalakna pakhat atan Lawibual lui thianfaiin an hnatlang a, mi 71 vel an thawkchhuak.
Lawibual lui hi ITI Veng Local Council huamchunga awm a ni a, Chite lui fintu niin Tuirial lui a fin leh a ni. Hnatlang tan hma in Mizoram EIACP Hub MPCB programme officer Er Benjamin Lalnunsanga Colney chuan Mission LiFE (Lifestyle for Environment) chungchang a sawifiah.
Mission LiFE hi India kaihhruai khawvel pum huap hmalakna, mimal leh khawtlanga kan kan nitin nunphung leh nundan, kan chhehvel leilung nena inhnerem thei tur zawnga inthlak danglam tura inzirtina leh inkaihhruaina a ni a. Lawibual lui hi August 2022 khan Central Pollution Control Board chuan lui thianghlim lo, ‘polluted river’ a puan zingah telin, hei vang hian Mizoram EIACP Hub – MPCB chuan mipui hnenah kan chhehvel lui tui thianfai a, uluk taka humhalh leh thianghlim taka enkawl a pawimawh zia inzirtir pahin ‘Lui thenfai hnatlang’ hi a buatsaih thin a ni.
Lui leh a chhehvel vawngfaia tithianghlim tur hian a bulhnaia khawsate bakah lui hnar lama chengte nen inlungrual leh thahnemngai taka hma lakho ngai thil a ni tih MPCB hotute chuan sawiin, kan lui tuite a lo thianghlim deuh deuh theih nan tan la zel turin mipui an ngen tih an sawi a ni.
YMA Chhangin lui thianfai
