YMCA thutkhawmah tel
Young Men Christian Association North East Regional thutkhawm chu Inrinni khan Mizoram House Shillong-ah neih a ni a. NE Regional YMCA chairman Dr R Lalthangliana chuan chairman thar tur Dr Andrew Ahoto (Dimapur) hnenah charge a hlan. Office bearers thar leh Executive Committee member thar thlan chhuah nghal an ni.
Hruaitu tharte hi Most Revd. Dr. P Lyngdoh chuan Pathian hnenah a hlan a. Hemi zawh hian North East Regional YMCA meeting neih zui nghal niin, agenda engemawzat rel a ni a. Shillong-a hmarchhak Kristian thalaite puala ram neih dan leh hmarchhak state hrang hranga Kristian thalaite kawng hrang hranga thawhhona tha zawk neih zelna atan hmalakna tur hrang hrang rel a ni.
YMCA NE Regional chairman kalchhuak ta Dr R Lalthangliana hian he nihna hi kum 8 (term 5) a chelh hnuin a term a tawp ta a ni. Hmarchhak thalaite thawhho that a tulna, harsatna tam tak an sut tlan leh tul tam tak awm an hmachhawnnaah inlungruala thawh chhuah zel a tul tih thlahna thuchah a sawiah a sawi a. Kum 8 chhung NE Regional YMCA chairman a nih chhunga state hrang hranga YMCA-te tawiawmnaah lawmthu a sawi a ni.
YMCA thutkhawmah tel
