YSR Congress party te chuan Union government-in Uniform Civil Code kalpui a tum chu an ngaihven takzet thu Andhra Pradesh Chief Minister leh YSRCP chief Jagan Mohan Reddy chuan Prime Minister Narendra Modi nena July thlaa New Delhi-a inhmuhna an neihah a sawi thu an tarlang a. YSR Congress te chan ruling BJP te hnenah UCC Bill chu an dodal tlat tur thu an hrilh nghal bawk.
BJP tena UCC kalpui an tum dan chu hriat lawksa niin mahse tun hnai lawkah June 14 khan Law Commission chuan UCC chungchangah ngaihdan a lawr leh ta a. July 3 khan Law Ministry official te chuan Parliamentary Standing Committee on Law and Justice meeting thutlukna angin 22nd Law Commission report an nghak mek an ti bawk.
July 5 khan Reddy chuan Modi chuan Prime Minister Modi hnenah Bill kalpui luih a nih chuan an party chuan an dodal tur thu a hrilh bawk a. Reddy a thutlukna hi Andra Pradesh state politics nena inkungkaihna nei niin minority voters te hiptu ber a ni a, Andra Pradesh-ah hian kum 2011 census-ah khan Muslim population 10% vel an awm a ni.
Assembly inthlan hnuhnung berah khan minority voters te chuan YSR Congress te chu an elpui ber Telugu Desam Paety (TDP) te BJP te nena inhal tak te aia an thlan zawk an ni a.
“Hun khirh takah minority ten vote min pe tawh a, tuna phatsan chu a dik dawn lo” tiin senior YSRCP leader chuan a sawi a. Kum 2019 pawh khan YSR Congress te chuan triple talaq Bill pawh an thlawp lo tawh bawk.
Hetih lai hian TDP te chuan UCC chungchangah engmah thutlukna siam an la nei lo tia sawi a ni thung a. June thlaa UCC chungchang mipu nawlpui ngaihdan lak tur tih a nih khan TDP supremo Chandrababu Naidu chuan ngaihdan la sawi duh lovin TDP dinna tur tichiang turin hun a la awm tia sawiin party eader te chu sorkar in draft law public domain a tarlanna a neih nghak phawt turin a ti tia sawi a ni.
YSR Congress ten UCC kalpui duh dawn lo bur
