Zalenna sualtu hming chawiin hming thlak
Union minister of urban development, Manohar Lal Khattar chuan zalenna sualtu leh tribal hruaitu kum 150 tlin lawmna pualin Delhi-a Sarai Kale Khan Chowk chu Birsa Munda Chowk tia thlak a nih thu nimin khan a puang.
Kum 1875 a tuna Jharkhand nitaa piang Munda hian British rorelna chu nasa takin a lo dodal tawh thin a, hemi dodalna thlawp tur hian tribal te chu thawhpuiah sawmin, hma an lo la nasa tawh thin hle nia sawi a ni. Kum 25 mi lek niin British kutah a boral ta bawk.
Union minister Manohar Lal Khattar chuan, ‘Vawiin hian he hmuna ISBT bus stand pawna chowk lian tak hi Bhagwan Birsa Munda hminga hriat a ni tawh dawn tih ka puang a ni. Delhi mipui chauh ni lo, khawvel khawi hmun atang pawha lokal apiangin an hmu tawh ngei ang,’ tiin a sawi.
Manohar chuan he thil hi zalenna sualtu chawimawina atan liau liaua siam a nih thu a sawi a, a tlawhtu leh a hmutu apiangin infuihthar nan hmang thin se a duh thu a sawi bawk.
Nimin vek khan union home minister Amit Shah chuan minister dang Manohar Lal Khattar leh Delhi LG VK Saxena te nen Bhagwan Birsa Munda piancham vawi 150 pual hian national capital-ah lim an tlangzarh bawk.
Zalenna sualtu hming chawiin hming thlak
