Zambia football in chhiatna tawk
Zambia rama Chavuma Town Council FC player pasarihte chu an chuanna bus chesual avangin an boral.
Ramchhunga football khaikhawmtu pawl ‘Faz’ chuan zirtawpni khan an ram hmarchhak lama third-tier league khel tura heng mite hi an kal laiin an chuanna bus hi a chetsual thu nimin khan a sawi a, an ram football tan chuan chhiatna nasa tak a nih thu a sawi.
Faz president Andrew Kamanga chuan theihtawp chhuaha ramchhung sorkar thuneituten chhanchhuah hna leh tanpuina an thawh avangin lawmthu a sawi a, nunna chan pasarih an awm bakah, hliam tura 12 an awm thu leh, an zinga na zual pangate chu an khawpui Lusaka lamah enkawl tura phurh nghal an nih thu a sawi bawk.
Chhiat an tawh hnu hian Confereration of African Football (CAF) president Patrice Motsepe chuan tawrhpuina thu sawi nghalin, nunna chante an lainat tak zet thu a sawi a, hliam tuarte leh nunna chan chhungte zawng zawng tan CAF hmingin tawrhpuina a sawi nghal a ni.
Zambia football in chhiatna tawk
