Kaladan Multi Modal Transit Transport Project-in a tihchhiat ram neitu intelkhawm chuan zangnadawmna an hmuh theih loh vanga thuneitute an nawrna kal mekah Thawhlehni atang khan tiamchin awmloin Mizoram Environment, Forest & Climate Change Chhimtuipui Wildlife Division Office Lawngtlaia office kai tur an dang.
Thudawn danin Lawngtlai District Land Owners Association hian zangnadawmna hi an beisei ang an hmu thei loa, thuneitute hnenah pawh theihtawpin an lo nawr tawh thin a, kumin July khan an beisei ang chhanna an hmuh loh chuan EF&CC Chhimtuipui Wildlife Division Office Lawngtlaia office kai tur an dan tur thu hi chief secretary hnenah an lo thlen tawh a ni.
Association hruaitute chuan, an compensation lak tur 138 chu clearance ziahsak an nih hma loh chuan office hi an dang dawn tih an sawi a. KMMTTP-a improvement work kal mek pawh compensation an lak hma loh chu an dang tawh dawn tih an sawi a ni.
Zangnadawmna phutin pisa kai turte tiamchin awm loin dang
