2024 Miss Mizoram chu zanin hian City Sky Hall, Saizahawla Arcade, Tanhil-ah neih a ni dawn ta a, zan dar 8:00-ah tanin, Ruatpuii, Mizo Dance Camp, Lilac leh Deborah Ralte te an perform dawn a, grand finale hi Rini Hlondo-in a host ang.
Grand Finale-ah hian Traditional Wear roundbakah Evening Gown round te pawh a la awm dawn a, sub title dawngtu la puan loh- Miss Congeniality, Miss Beautiful Skin, BWAP leh People’s Choice dawngtu te pawh puan nghal a ni ang ang, BWAP dawngtu video clip play a ni bawk ang. Hei bakah hian MJA President C. Lalrambuatsaiha’n 2024 Miss Mizoram a hlawhtlin theih nana sponsors,designer, partner leh MUA te memento a hlan dawn bawk a ni.
Zanin hian Miss Mizoram finalist 18 atangin top 10 a tlingte puan an ni ang a, top 10 a tling te hian Question & Answer round an nei leh ang a, chumi hnuah Top 5 a tling ten zawhna inang an chhang leh ang a, chuta tang chuan ‘Miss’ thlan a ni tawh ang.
April ni 23 zan khan City Sky Hall-ah hian Jennifer Lalrinzuali Renthlei, Republic Veng chuan sub title pahnih- Miss Rampwalk leh Miss Photogenic a dawng a, Evelyn Zachhingpuii, Saikhamakawn-in sub title pahnih- Miss Personality leh Miss Body Beautiful a dawng a, Judith Lalramengmawii, ITI vengin Miss Active a dawng a, Miss Talented chu M Lalrinchhani, Siaha-in a dawng ve thung.
Kumin Miss Mizoram hi lawmman a la that ber kum a ni a, ‘Miss’-in lawmman Rs 2,00,000 bakah Vespa Scooter a dawng dawn a, hei bakah Women & Child Development-in an department ambassador-a an hmang nghal dawn a, Lash Studio atangin gift a dawng bawk ang.
Pahnihnain (1st Runner Up) Rs 1,00,000 leh Lash Studio atangin gift a dawng a, Pathumna (2nd Runner Up)-in Rs 50,000 bakah Lash Studio atangin thilpek a dawng bawk ang.
Top 5 a lang, top 3 a inhlangkai ta lo ten Rs 25,000 theuh an dawng ang a, top 10-a lang mahse, top 5 inhlangkai ta lo ten Rs 15,000 theuh an dawng ang a, top 10-a lang lo, finalist dang zawngin Rs 10,000 theuh an dawn bakah sub title pakhatin lawmman Rs 10,000 zel a keng tel dawn bawk a ni.
Zaninah 2024 Miss Mizoram Grand Finale
